तुम्हाला माहिती आहे भारताने पहिला पिंक बॉल टेस्ट सामना कधी खेळला होता? आणि त्या सामन्यात काय झाल होत

भारत आणि ऑस्ट्रेलियामधील बॉर्डर-गावस्कर ट्रॉफीची लढत रंगत आहे. मालिकेतील एकमेव पिंक बॉल टेस्ट सामना 6 डिसेंबर रोजी ॲडलेड क्रिकेट ग्राउंडवर खेळला जाणार आहे. हा सामना भारतीय वेळेनुसार सकाळी 9:30 वाजता सुरू होईल.

डे/नाईट टेस्ट सामन्यांना पिंक बॉल टेस्ट म्हणूनही ओळखले जाते कारण या सामन्यांमध्ये गुलाबी रंगाचा चेंडू वापरला जातो. भारताच्या पिंक बॉल टेस्टच्या इतिहासाबद्दल जाणून घेण्यापूर्वी, पिंक बॉल टेस्ट म्हणजे काय आणि डे/नाईट सामन्यांसाठी गुलाबी चेंडूच का वापरला जातो, हे पाहूया.

डे-नाईट सामन्यांमध्ये पिंक बॉल का वापरतात?

अंधुक किंवा कृत्रिम प्रकाशात खेळताना चेंडू स्पष्ट दिसावा म्हणून लाल चेंडूऐवजी गुलाबी चेंडू वापरला जातो. पण पांढऱ्या चेंडूऐवजी गुलाबी चेंडू का, असा प्रश्न विचारला तर, पांढऱ्या कपड्यांमुळे पांढरा चेंडू दिसत नाही. अशा परिस्थितीत गुलाबी चेंडू सर्वोत्तम पर्याय ठरतो.

पिंक बॉल टेस्ट म्हणजे काय?

टेस्ट क्रिकेट लोकांपर्यंत पोहोचवण्यासाठी आयसीसीने केलेला नवा प्रयोग म्हणजे डे-नाईट सामन्यांचा जन्म. अशा सामन्यांसाठी गुलाबी चेंडू वापरण्याचा निर्णय झाला, जो या खेळासाठी नवा होता. त्यामुळे डे-नाईट सामन्यांना “पिंक बॉल टेस्ट” असे नाव मिळाले.

भारताचा पिंक बॉल टेस्टचा ऐतिहासिक प्रवास

भारताने पहिला पिंक बॉल टेस्ट सामना कोलकात्याच्या ईडन गार्डन्सवर 22 नोव्हेंबर 2019 रोजी बांगलादेशविरुद्ध खेळला.

• पहिला डाव: बांगलादेशला ईशांत शर्माच्या धडाकेबाज गोलंदाजीमुळे केवळ 106 धावांवर रोखले गेले.
• भारतीय फलंदाजी: कर्णधार विराट कोहलीने 136 धावांची शानदार खेळी करून संघाला मजबूत स्थितीत नेले.
• दुसरा डाव: उमेश यादव आणि ईशांत शर्मा यांच्या प्रभावी गोलंदाजीने बांगलादेशचा डाव 195 धावांवर आटोपला.

भारताची शानदार विजयगाथा

या सामन्यात भारताने डाव आणि 49 धावांनी विजय मिळवला. पिंक बॉल टेस्टमध्ये भारताच्या पदार्पणाने क्रिकेट चाहत्यांसाठी एक नवा अध्याय उघडला. आता भारत आणि ऑस्ट्रेलियामधील आगामी डे-नाईट सामन्यावर सगळ्यांच्या नजरा लागल्या आहेत!

बघा: श्रीलंकेचा संघ अवघ्या 42 धावात ऑल आउट, मार्को जानसेनच्या नावे 7 विकेट्स